Alang sa mga Batan-on
Kon Unsaon Pagpangitag Tinuod nga mga Higala
Instruksiyon: Himoa kini sa usa ka dapit diin imong masentro ang imong hunahuna sa imong gibasa. Samtang nagbasa ka sa mga teksto, handurawa nga atua ka didto. Palandonga ang esena. Paminawa ang ilang panagsultianay. Ibutang ang imong kaugalingon sa ilang kahimtang. Himoang buhi sa imong hunahuna kining asoya.
Pangunang mga karakter: Jonatan, David, ug Saul
Sumaryo: Human mapatay ni David si Goliat, nahimong suod nga managhigala si Jonatan ug David.
1 ANALISAHA ANG ESENA.—BASAHA ANG 1 SAMUEL 17:57–18:11; 19:1; 20:1-17, 41, 42.
Sa imong hunahuna, unsay hitsura ni Saul? (Basaha ang 1 Samuel 10:20-23.)
․․․․․
Lagmit tin-edyer pa si David sa dihang nagkaila sila ni Jonatan. Unsa kahay hitsura ni David? (Basaha ang 1 Samuel 16:12, 13.)
․․․․․
Unsa kahay gibati ni David ug Jonatan sa dihang nagbulag sila, sumala sa mabasa diha sa ulahing bahin sa 1 Samuel kapitulo 20?
․․․․․
2 PAGSUSIG DUGANG.
Sumala sa Bibliya, “ang kalag ni Jonatan nalanggikit sa kalag ni David”—o sumala pa sa hubad sa Contemporary English Version, “si David ug Jonatan nahimong suod nga managhigala.” (1 Samuel 18:1) Unsa kaha ang mga hiyas ni David nga nagustohan ni Jonatan? (Basaha ang 1 Samuel 17:45, 46.)
․․․․․
Si Jonatan magulang ug 30 ka tuig kang David. Unsa kahay hinungdan nga sila nahimong “suod nga managhigala” bisan pa sa kadako sa diperensiya sa ilang edad?
․․․․․
Base niining makapatandog nga estorya, unsay mga hiyas sa tinuod nga higala? (Basaha ang Proverbio 17:17; 18:24.)
․․․․․
Nganong miunong man si Jonatan kang David imbes sa iyang amahan?
․․․․․
3 IPADAPAT ANG IMONG NAKAT-ONAN. ISULAT ANG IMONG NAKAT-ONAN BAHIN SA . . .
Panaghigalaay.
․․․․․
Pagkamaunongon.
․․․․․
Pagpakighigala sa mas magulang nimo.
․․․․․
Unsay imong buhaton aron makakita kag maayong mga higala?
․․․․․
4 UNSAY NAGUSTOHAN NIMO NIINING ASOYA, UG NGANO?
․․․․․
KON WALA KAY BIBLIYA, HANGYOA ANG MGA SAKSI NI JEHOVA NGA DAD-AN KA, O BASAHA KINI DIHA SA INTERNET SA www.watchtower.org