Alang sa mga Batan-on
Kon Unsaon Pagsukol ang Tentasyon
JOSE—BAHIN 1
Instruksiyon: Himoa kini sa dapit diin imong masentro ang imong hunahuna sa imong gibasa. Samtang basahon ang mga teksto, handurawa nga tua ka didto. Palandonga ang esena. Paminawa ang ilang panagsultianay. Ibutang ang imong kaugalingon sa ilang kahimtang. Himoang buhi sa imong hunahuna kining asoya.
Pangunang mga karakter: Jose, asawa ni Potipar
Sumaryo: Gisuklan ni Jose ang panental sa asawa ni Potipar sa pagpakigsekso kaniya.
1 ANALISAHA ANG ESENA.—BASAHA ANG GENESIS 39:1-12.
Ilarawan kon unsa kadako ug kanindot ang balay ni Potipar.
․․․․․
Unsa kahay hitsura ni Jose? (Basaha pag-usab ang bersikulo 6.)
․․․․․
Unsa kaha nga emosyon ang madayag sa tingog ni Jose samtang siya namulong sa asawa ni Potipar diha sa bersikulo 8 ug 9?
․․․․․
2 PAGSUSI PAG DUGANG.
Unsay makapaaghat unta kang Jose aron siya makahimog imoralidad? (Basaha ang Filipos 2:12, ug palandonga ang mga kahimtang ni Jose. Pananglitan, nianang panahona, asa man ang mga membro sa pamilya ni Jose ug ang iyang mga isigkamagsisimba ni Jehova?)
․․․․․
Sa imong hunahuna, nganong gibati ni Jose nga ang pagpanapaw maoy sala batok sa Diyos, nga nianang tungora wala pa may balaod sa Diyos batok sa pagpanapaw? (Basaha ug palandonga ang mosunod nga mga teksto: Genesis 2:24; 12:17, 18; Roma 2:14, 15; ug Hebreohanon 5:14.)
․․․․․
3 IPADAPAT ANG IMONG NAKAT-ONAN. ISULAT ANG IMONG NAKAT-ONAN BAHIN SA . . .
Kalangkitan sa pagpugong sa kaugalingon ug dignidad.
․․․․․
Mga kaayohan sa pagsunod sa moral nga mga sukdanan sa Diyos.
․․․․․
Kahinungdanon sa pagbansay sa “gahom sa pagsabot.” (Hebreohanon 5:14)
․․․․․
ALANG SA DUGANG NGA KAPADAPATAN.
Unsang (mga) bahina sa imong kinabuhi nga ikaw mas nagkinahanglag determinasyon sa pagsukol sa seksuwal nga tentasyon? (Basaha ug palandonga ang Job 31:1; Salmo 119:37; Efeso 5:3, 4.)
․․․․․
4 UNSAY NAGUSTOHAN NIMO PAG-AYO NIINING ASOYA, UG NGANO?
․․․․․
Kon wala kay bibliya,hangyoa ang mga Saksi ni Jehova nga dad-an ka,o basaha kini diha sa internet sa www.watchtower.org