Unsay Giingon sa Bibliya?

Nagkinabuhi na ba kita sa “kataposang mga adlaw”?

Unsay imong tubag?

• Oo

• Dili

• Tingali

Ang giingon sa Bibliya

“Sa kataposang mga adlaw moabot ang makuyaw nga mga panahong lisod sagubangon.” (2 Timoteo 3:1) Ang tagna sa Bibliya, lakip sa mga panghitabo sa atong panahon, nagpaila nga nagkinabuhi na kita sa “kataposang mga adlaw.”

Unsa pay atong makat-onan sa Bibliya?

• Ang ilhanan sa kataposang mga adlaw mao ang mga gubat, kagutom, linog, ug epidemya sa makamatayng mga sakit.​—Mateo 24:3, 7; Lucas 21:11.

• Sa kataposang mga adlaw, ang kadaghanan sa mga tawo imoral ug dili diyosnon.—2 Timoteo 3:2-5.

Unsay umaabot sa katawhan?

Ang uban nagtuo . . . nga ang kataposang mga adlaw taposon pinaagi sa paglaglag sa yuta ug sa tanang nagpuyo niana, samtang ang uban nagtuo nga ang kahimtang moarang-arang. Unsay imong hunahuna?

Ang giingon sa Bibliya

“Ang mga matarong magapanag-iya sa yuta, ug sila magapuyo sa ibabaw niini hangtod sa kahangtoran.”​—Salmo 37:29.

Unsa pay atong makat-onan sa Bibliya?

• Ang kataposang mga adlaw taposon pinaagi sa paglaglag sa tanang pagkadaotan.​—1 Juan 2:17.

• Ang yuta himoong paraiso.​—Isaias 35:1, 6.