Unsay Giingon sa Bibliya?

Ang Bibliya ba makatabang nimo nga dili sobrang mabalaka?

Unsay imong tubag?

• Oo

• Dili

• Tingali

Ang giingon sa Bibliya

“Itugyan [sa Diyos] ang tanan ninyong mga kabalaka, kay siya may kahingawa kaninyo.” (1 Pedro 5:7) Ang Bibliya nagpasalig nga ang Diyos makatabang nimo nga dili malumsan sa kabalaka.

Unsa pay atong makat-onan sa Bibliya?

• Pinaagi sa pag-ampo, imong maangkon ang “kalinaw sa Diyos” nga makapahupay sa kabalaka.​—Filipos 4:6, 7.

• Dugang pa, ang pagbasa sa Pulong sa Diyos makatabang aron dili ka sobrang matensiyon o ma-stress.​—Mateo 11:28-30.

Mawala kaha ang kabalaka?

Ang uban nagtuo . . . nga ang kabalaka, stress, o tensiyon maoy bahin na sa kinabuhi sa tawo, samtang ang uban nagtuo nga ang kabalaka mawala didto lang sa laing kalibotan. Unsay imong hunahuna?

Ang giingon sa Bibliya

Wad-on sa Diyos ang tanang hinungdan sa pagkabalaka. “Ang kamatayon mawala na, ni may pagbangotan ni pagtiyabaw ni may kasakit pa.”​—Pinadayag 21:4.

Unsa pay atong makat-onan sa Bibliya?

• Ubos sa pagmando sa Gingharian sa Diyos, ang mga tawo magkinabuhi nga may pakigdait ug kalinaw.​—Isaias 32:18.

• Ang kabalaka ug tensiyon malimtan na.​—Isaias 65:17.