Unsay Atong Ikahatag Kang Jehova?

SI Jesus miingon: “Adunay labaw nga kalipay sa paghatag kay sa pagdawat.” (Buh. 20:35) Kana nga kamatuoran maaplikar sa atong relasyon kang Jehova. Ngano? Si Jehova naghatag natog daghang regalo nga nakapalipay nato, pero mas malipay ta pinaagi sa paghatag kang Jehova. Unsay atong ikahatag kang Jehova? Ang Proverbio 3:9 nag-ingon: “Pasidunggi si Jehova pinaagi sa imong bililhong mga butang.” Ang atong “bililhong mga butang” nag-apil sa atong panahon, talento, kusog, ug materyal nga mga butang. Dihang gamiton nato kana sa pagpauswag sa tinuod nga pagsimba, naghatag ta kang Jehova, ug sa pagbuhat ana magmalipayon gyod ta.

Kon bahin sa atong materyal nga mga butang, unsay makatabang nato aron dili malimtan ang paghatag kang Jehova? Giingnan ni apostol Pablo ang mga taga-Corinto nga ‘maggahin’ ug iamot. (1 Cor. 16:2) Unsay imong buhaton kon gusto nimong mahibalog dugang bahin sa mga pamaagi sa paghatag ug donasyon nga puwede sa inyong lugar? Palihog tan-awa ang kahon sa ubos.

May mga nasod nga dili puwede ang paghatag ug donasyon online. Pero, makita diha sa donations web page ang ubang paagi sa pag-donate. Sa pipila ka nasod, dunay document sa maong page nga maghatag ug tubag sa komon nga mga pangutana bahin sa donasyon.