Ipugas ang Binhi sa Gingharian
1 Nagahisgot ang Salmo 126:6 sa pagpugas sa literal nga binhi ug nagaingon: “Siya nga sa walay pakyas magalakaw, . . . dinala ang sinako nga binhi nga igpupugas, sa walay duhaduha mobalik nga may kalipay, nga magadala uban sa mga binangan nga uhay.” Sa Ecclesiastes 11:6 ang magpupugas sa binhi gidasig uban sa mga pulong: “Sa buntag ipugas ang imong binhi ug hangtod sa gabii ayaw pagpunggi ang imong kamot; kay ikaw wala masayod kon hain ang molampos, kini ba o kana ba, o managsama ba sila nga duruha nga maayo.”
2 Sa dihang makig-ambit ta sa ministeryo sa kanataran, kita, usab, kon maohon nagadalag sinako nga binhing igpupugas apan sa matang nga espirituwal. Ang pagkaepektibo sa atong pagpugas sa espirituwal nga binhi mapalambo pinaagig literatura nga nagapasiugda sa maayong balita sa Gingharian. Kining basahona nagahisgot sa mga ulohan sa kabalaka ngadto sa daghang tawo ug nagapakita kon unsa ka hinungdanon alang kanila sa pagkakat-on bahin sa Gingharian. Si Jehova, pinaagi sa matinumanong ulipon, nagtagana kanato ug maayo kaayong suplay sa literatura sa Bibliya nga magamit sa buluhatong pagpugas sa binhi sa Gingharian sulod niining panahona sa kataposan.
UBAN SA LIBRONG WORLDWIDE SECURITY
3 Sa Enero ug Pebrero atong itanyag ang basahong Worldwide Security ngadto sa katawhan sa atong mga teritoryo. Kining ulohana anaa sa mga hunahuna sa daghan karon ug ang maong libro nasudlan sa tinuod nga paglaom gikan sa Bibliya. Sa dihang gamiton ang bag-ong Ulohan nga Mahisgotan sa “Mga Panalangin sa Gingharian sa Diyos,” sa walay duhaduha makita nimong maayong gamiton ang ilustrasyon sa mga panid 4 ug 5 sa maong libro. O hayan buot mong paklion ngadto sa Kapitulo 21 nga may ulohang “The Garden of Eden Restored—Earth Wide,” nga nagapakita sa matahom nga ilustrasyon sa mga panid 172 ug 173. Among gipalig-on ang tanan sa paggamit niining basahona diha sa ministeryo sa kanataran sulod sa duha-bulang kampanya.
UBAN SA DAANDAANG MGA BASAHON
4 Ang pila ka kongregasyon basin aduna pa ing newsprint nga mga edisyon sa daandaang mga libro. Ang uban tingali gustong moorder niini gikan sa Sosyedad. Palihog tan-awa ang listahan sa ‘newsprint’ nga mga libro nga mabatonan pa sa Bethel diha sa ikaduhang pahibalo sa panid 3. Ilabinang gusto namong agdahon ang tanang Hiligaynon, Pangasinan ug Samar-Leyte nga mga kongregasyon sa pag-order sa librong Good News to Make You Happy, nga igatanyag sa ₱2.50 lamang sulod niining kampanyaha.
5 Ingon nga kapiliang tanyag, kon ang bisan unsang mga kongregasyon aduna pay daandaang 192-panid diyalektong mga libro nga anaa sa panudlanan apan wala patika sa ‘newsprint,’ kini mahimong itanyag sa regular nga amot sa ₱14.00. Kini mapuslanon ilabina sa mga teritoryo diin ang mga tawo dili gayod andam nga mobasa sa Ingles nga basahong itanyag.
6 Samtang ipugas ug tubigan mo ang mga binhi sa kamatuoran, kanunay nga mag-ampo sa panalangin ni Jehova sanglit kay ang ‘Diyos mao man ang nagapatubo.’—1 Cor. 3:6.