Tunghaan sa Ministeryo sa Gingharian Nagataganag Teokratikanhong Edukasyon

Ang mga ansiyano nagapas-an ug mabug-at nga kaakohan. Sugod sa 1959, ang mga kahikayan gihimo alang sa espesyal nga kurso sa pagbansay sa pagtabang nila nga makaatiman niining mabug-at nga asaynment. Ang mga ministeryal nga alagad gidapit nga motambong sa unang higayon niadtong 1984.

Sukad sa ulahing tunghaan nga gihimo niadtong 1989, gatosan ka kongregasyon ang naporma ug linibo nga mga igsoon ang natudlong mga ansiyano ug ministeryal nga alagad. Usab, gihimo ang mga organisasyonal nga pagpasibo. Busa, ang Nagamandong Lawas naghikay alang sa tanang ansiyano sa kongregasyon ug ministeryal nga mga alagad nga makatambong sa Tunghaan sa Ministeryo sa Gingharian sa Hunyo niining tuiga. Ang mga nagapanawng magtatan-aw maoy manguna sa pagtudlo sa matag sirkito. Ang tanang kongregasyon makabenepisyo sa dihang ang mga ansiyano ug ministeryal nga mga alagad magapadapat sa ilang makat-onan gikan sa tunghaan.