Teokratikanhong mga Balita

Benin: Ang taho sa Abril nagapakita nga 2,793 ka magmamantala ang nagdumalag 4,442 ka pagtuon sa Bibliya sa balay ug nakahimog 30,814 ka balikduaw. Kining mga numeroha nagrepresentar sa tulo ka bag-ong kinatas-an.

Bulgaria: Sa usa lang ka tuig, ang gidaghanon sa mga magmamantala miuswag gikan sa 107 ngadto sa 218 nga nagtaho sa Marso. Kana maoy usa ka 104 porsiyentong uswag. Ang mga magmamantala nag-abireds ug 19.7 ka oras sa pag-alagad sa kanataran ug nagdumalag total nga 585 ka pagtuon sa Bibliya sa balay. Ang ilang unang espesyal nga adlaw nga asembliya gihimo sa Marso, uban ang 900 nga nanambong.

Czechoslovakia: Ang usa ka bag-ong kinatas-ang 25,111 nga mga magmamantala mitaho sa Marso. Kini maoy usa ka 9-porsiyentong pag-uswag kay sa miaging tuig nga abireds.

Ecuador: Ang nanambong sa Memoryal niining tuiga maoy 99,987. Uban sa usa ka bag-ong kinatas-ang mga magmamantala nga 21,734 sa Abril, ang padayong pagtubo gidahom.

Nicaragua: Ang mga bag-ong kinatas-an nakab-ot sa halos tanang bahin sa pag-alagad sa Gingharian sa Abril. Ang nanambong sa Memoryal maoy lima ka pilo sa total nga gidaghanon sa mga magmamantala, nga nakaabot ug 9,629 sa maong bulan.