Teokratikanhong mga Balita

Argentina: Usa ka bag-o kinatas-an sa tanang panahon nga ihap sa magmamantala nga 98,601 ang nakab-ot sa Pebrero. Sulod nianang bulana, 507 ka bag-ong tinun-an ang nabawtismohan.

Benin: Usa ka bag-ong kinatas-ang ihap nga 2,967 ka magmamantala ang nagtaho sa Pebrero. Kon itandi sa kalihokan sa usa ka tuig kanhi, ang mga magmamantala misaka sa 13.8 porsiyento, ang mga oras sa 6.1 porsiyento, ang mga napahimutang nga magasin sa 40.6 porsiyento, ug ang mga pagtuon sa Bibliya sa 25.1 porsiyento.

Ecuador: Ang 23,176 ka magmamantala nga nagatahog kalikohan sa kanataran sa Pebrero nagdumalag 42,219 ka pagtuon sa Bibliya sa balay. Kini maoy pag-uswag ug 2,180 ka magmamantala ug 3,183 nga mga pagtuon sa Bibliya nga labaw sa Pebrero sa miaging tuig.

Ireland: Ang ika-59 nga sunodsunod kinatas-ang ihap sa magmamantala nakab-ot sa Pebrero uban sa 4,093 nga mitaho. Ang umaabot nga pagtubo maorag masaaron uban sa usa ka bag-ong kinatas-an nga 2,682 ka pagtuon sa Bibliya sa balay nga ginadumala.

Peru: Ang 43,366 ka magmamantala sa Peru mitahog 369,437 ka balikduaw ug 68,090 ka pagtuon sa Bibliya sa balay sa Pebrero. Usa ka bag-ong tinukod nga Assembly Hall sa Lima gipahinungdan uban sa 21,240 nga nanambong.

Tahiti: Usa ka 13-porsiyentong pag-uswag ang nakab-ot sa Pebrero uban sa 1,604 ka magmamantala nga nagtaho. Kini mao ang ika-64 nga sunodsunod nga kinatas-ang ihap sa mga magmamantala sa Tahiti.

Ang Aruba, Guadeloupe, Martinique, St. Kitts, ug ang U.S. Virgin Islands, nga ang tanan anaa sa dapit sa Caribbean, nagtahog bag-ong mga kinatas-ang ihap sa mga magmamantala sa Pebrero.