Pangutana

◼ Kinsay angayng hatagan ug distritong kombensiyon nga lapel badge card?

Ang mga lapel badge card sa kombensiyon mahimong makatabang pag-ayo sa pag-ila sa atong mga igsoon ug sa pag-anunsiyo sa kombensiyon. Apan, dili kini ipang-apod-apod nga walay pili. Kini magpaila sa nagsul-ob ingong anaa sa maayong pagbarog uban sa partikular nga kongregasyon sa mga Saksi ni Jehova.

Ang kard adunay luna alang sa ngalan sa indibiduwal maingon man sa ngalan sa kongregasyon. Busa, ang tawo kinahanglang nakapakig-uban na sa makataronganong gidugayon sa gingalan nga kongregasyon. Ang Sosyedad magpadalag suplay sa mga kard ngadto sa matag kongregasyon pinasukad sa order nga gipadala ginamit ang Special Order Blank alang sa mga porma. Sa dihang mag-order, kinahanglang hunahunaon sa mga kongregasyon nga maoy husto ang paghatag ug kard ngadto sa matag bawtismado ug di-bawtismadong magmamantala nga motambong sa kombensiyon. Dugang pa, ang mga bata ug ang uban nga regular nga nagatambongan sa mga tigom sa kongregasyon ug nagauswag padulong sa pagpakig-ambit sa ministeryo sa kanataran mahimong makadawat ug usa. Dili husto nga hatagan ug lapel badge card sa kombensiyon ang tawong gipalagpot.

Sa dihang ang mga kard mabatonan na, kinahanglang tinoon sa mga ansiyano nga kini iapod-apod uyon niini nga mga gimbut-an.