Gipayanong Paagi sa Pagbag-o ug Suskrisyon

Hangtod karon, ang mga suskritor sa Ang Bantayanang Torre ug Pagmata! nakadawat ug duha ka pahibalo nga ang ilang mga suskrisyon talitapos na. Ang una maoy usa ka inimprentang-daan nga Expiring Subscription nga tarheta nga giapod-apod ngadto sa mga suskritor pinaagi sa kongregasyon.

Ang ikaduhang pahibalo mao ang porma sa pagbag-o sa suskrisyon nga gipasukip sa giputos nga magasin nga deretsong gipadala ngadto sa suskritor. Sugod sa Hunyo 1 ug Hunyo 8 nga mga isyu niining tuiga, ang mga suskritor sa inimprentang mga magasin dili na makadawat ug porma sa pagbag-o sa suskrisyon nga gipasukip sa magasin. Hinunoa, usa ka mensahe nga talitapos na ang iimprenta diha sa putos sa suskrisyon.

Ang mensahe nga giimprenta diha sa putos sa magasin magsilbing pahinumdom nga ang suskrisyon sa dili madugay matapos na. Kon imong makita ang giimprentang mensahe apan wala pa madawat ang Expiring Subscription nga tarheta, palihog kontaka ang igsoon nga nagdumala sa mga suskrisyon sa inyong kongregasyon. Ang mga suskrisyon sa pagbag-o angay nga kanunayng ipaagi sa kongregasyon.

Alang sa mga suskrisyon nga nabatonan gikan sa kanataran, ang pangunang paagi sa pagpahibalo mao ang inimprentang-daan nga Expiring Subscription nga tarheta nga giapod-apod pinaagi sa kongregasyon. Sa dihang kining mga pormaha moabot na sa kongregasyon, kinahanglang ipasiugda nga itunol kini ngadto sa mga magmamantala nga orihinal nga nakapasuskriber niini. Sanglit ang mga suskritor dili na makadawat ug porma sa pagbag-o nga gipasukip diha sa magasin, hinungdanon nga atong paloapon kining interesadong mga tawo ug dasigon sila sa pagbag-o sa ilang mga suskrisyon.​—Tan-awa ang Atong Ministeryo sa Gingharian, Nobyembre 1988, panid 4, ug Pebrero 1986, panid 4.

Kining tukma-sa-panahong mga magasin padayong magpasidlak ug espirituwal nga kahayag diha sa mangiob nga kalibotan. Nakaseguro kami nga ang tanan makigtambayayong niining bag-ong kahikayan aron dili masayloan sa tanang suskritor ang usa ka isyu sa Ang Bantayanang Torre ug Pagmata!