Pangutana

◼ Nganong kinahanglang mag-amping sa dihang magsangyaw pinaagig sulat?

Ang pagsangyaw pinaagig sulat maoy usa ka epektibong paagi sa pagpaambit sa maayong balita. Apan, ang di pa dugayng mga panghitabo sa kalibotan nagpahinabo sa mga tawo nga magmabinantayon sa pag-abli ug di-sinati nga sulat. Ang mga sobre nga gikan sa wala-hiilhing mga tinubdan o walay adres sa nagpadala sagad kaduhaduhaan, ilabina kon kini gisulat pinaagig kamot ug kini baga. Mahimong idespatsar sa mga tagbalay ang maong sulat nga dili ablihan. Sa unsang paagi atong mapugngan kining mahitabo?

Kon posible, ang sulat ug ang sobre angayng gimakenilya. Ang sobre kinahanglang ipadala sa ngalan sa tagbalay. Ayaw kinig ipadala ngadto sa “Nagpuyo.” Gawas pa, butangi kanunayg adres sa nagpadala. Kon dili maayong sulatan sa kaugalingon mong adres, isulat ang imong ngalan ug ang adres sa Kingdom Hall. Ayaw pagpadalag mga sulat nga walay ngalan. Ayaw gayod gamita ang adres sa sangang buhatan.​—Tan-awa ang “Pangutana” diha sa Nobyembre 1996 nga Atong Ministeryo sa Gingharian, panid 2.

Ang dugang mga sugyot ug sampol nga sulat makaplagan diha sa bag-ong libro, Pahimusli ang Edukasyon sa Teokratikanhong Tunghaan sa Ministeryo, mga panid 71-3. Kining mga giyaha motabang kanato sa epektibong paggamit sa mga sulat sa pag-abot sa uban sa maayong balita.