Kon Nganong Atong Gihigugma ang Atong Tibuok Kapunongan sa mga Igsoon
Niining walay-gugmang kalibotan karon, sa unsang paagi atong ikapakita nga mapadayonon ang atong mainit nga gugma alang sa atong espirituwal nga mga igsoon? (1 Ped. 2:17) Sa unsang paagi atong ikapakita sa uban nga naglungtad gayod ang atong tiunay, tibuok-kalibotan nga panag-igsoonay? (Mat. 23:8) Pinaagi sa video nga Our Whole Association of Brothers. Gipakita niini ang mga rason kon nganong gihigugma nato ang usag usa. Tan-awa kon matubag ba nimo kining mga pangutanaha:
(1) Unsang tulo ka kalihokan ang atong gipakig-ambitan duyog sa atong tibuok-kalibotang panag-igsoonay? (2) Sa unsang paagi gipakita sa atong mga igsoon ang ilang determinasyon sa pagwali (a) sa hilit nga mga lugar sa Alaska, (b) sa dagkong mga dunggoanan sa Uropa, ug (c) sa bagang mga kalasangan sa Peru? (3) Unsa ang epektibo kaayong himan sa pagsangyaw? (4) Nganong dili gayod kita angayng mobati nga ang pagsangyaw maoy usa lamang ka ordinaryong buluhaton? (5) Paghatag ug mga pananglitan kon sa unsang paagi gihupay ug gipaluyohan sa mga Saksi ni Jehova ang usag usa sa panahon sa kagul-anan—mga linog, bagyo, ug sibil nga mga gubat. (Tan-awa ang mga komento ni Takao sa panid 23 sa Agosto 22, 1995, Pagmata! ug ni Kotoyo sa panid 20 sa Oktubre 22, 1996, Pagmata!) (6) Diha sa unsang praktikal nga mga paagi nga kitang tanan makapasundayag sa dakong ilhanan sa atong Kristohanong panag-igsoonay? (Juan 13:35) (7) Sa unsang gidak-on ato gayong pabilhan ang atong mga tigom sa kongregasyon? (8) Sa unsang paagi ang pagbaton ug Kingdom Hall nga katigoman makaapektar niadtong wala makabatog usa ka tigomanan kaniadto? (9) Sa unsang paagi ang atong mga igsoon sa Sidlakang Uropa ug Rusya nakalahutay sa espirituwal sa dihang ilalom sa pagdili? (10) Bisan karon, unsang talagsaong panikaysikay ang gihimo sa daghang Saksi aron makatambong ug mga kombensiyon, ug ngano? Sa unsang paagi kini nakadasig kanimo? (11) Nganong determinado ka sa pagsimba nga nahiusa, sa pagtabang sa uban sa panahon sa panginahanglan, ug sa pagsangyaw nga maunongon bisan kanus-a ug sa bisan unsang paagi nga imong maarangan? (12) Nganong maayong magbaton ug kaugalingong kopya niini nga video ug ipasalida kini sa daghang interesadong mga tawo kutob sa maarangan?