Kon Unsay Isulti Bahin sa mga Magasin

Ang Bantayanang Torre Nob. 15

“Tungod sa daghang kahiwian sa kalibotan, ang pipila makapangutana, ‘Nganong kinahanglan man akong manlimbasog sa pagbuhat kon unsay husto?’ Mibati ka na bag sama niana? [Patubaga.] Matikdi kining makapadasig nga mga pulong. [Basaha ang Proverbio 2:21, 22.] Kining magasina magpatin-aw sa labing hinungdanong katarongan kon nganong kita angayng magmatul-id.”

Pagmata! Nob.

“Ang pipila nagtuo nga ang Diyos maoy nakaingon sa tanang butang nga nagakahitabo. Kon mahitabo ang trahedya, sila moingon nga ang Diyos lagmit adunay maayong katarongan sa pagpahinabo niana. Unsay imong hunahuna? [Patubaga. Dayon basaha ang Santiago 1:13.] Gipakita niining magasina kon unsay giingon sa Bibliya bahin sa hinungdan sa pag-antos ug kon unsay ginahimo sa Diyos aron matapos kana.”

Ang Bantayanang Torre Dis. 1

“Sa imong hunahuna, natuman ba kining tagnaa sa Bibliya karong panahona? [Basaha ang Mateo 24:11. Dayon patubaga.] Kining magasina naghisgot sa pipila ka pagtulon-an nga nahimong popular. Gipakita usab niini kon sa unsang paagi kita dili malimbongan sa bakak nga mga magtutudlo.”

Pagmata! Dis.

“Kon ikaw ang papilion, kinsay imong pilion nga labing bantogang tawo nga nabuhi sukad? [Patubaga.] Daghan ang nag-isip kang Jesus nga mao ang labing bantogang tawo. Matikdi kon unsay iyang himoon alang sa yuta ingong Magmamando sa Gingharian sa Diyos. [Ipakita ang hulagway sa panid 8-9, ug basaha ang usa sa gikutlong mga teksto.] Kining magasina naghisgot kon sa unsang paagi ug kanus-a tumanon ni Jesus kining mga butanga.”