Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • km 4/08 p. 4
  • Hupaya ang mga Nagbangotan

Walay video nga available.

Sorry, dunay problema sa pag-load sa video

  • Hupaya ang mga Nagbangotan
  • Atong Ministeryo sa Gingharian—2008
  • Susamang Materyal
  • Kahupayan Gikan sa “Diyos sa Tanang Paghupay”
    Ang Bantayanang Torre Nagapahayag sa Gingharian ni Jehova—1995
  • Hupaya ang Nagbangotan
    Ang Bantayanang Torre Nagapahayag sa Gingharian ni Jehova—2003
  • Gamitang Bag-ong Brosyur nga Epektibo
    Atong Ministeryo sa Gingharian—1995
  • “Hilak Uban sa mga Tawong Nanghilak”
    Ang Bantayanang Torre Nagapahayag sa Gingharian ni Jehova (Tun-anan)—2017
Uban Pa
Atong Ministeryo sa Gingharian—2008
km 4/08 p. 4

Hupaya ang mga Nagbangotan

1. Nganong nagkinahanglag paghupay ang mga nagbangotan?

1 Ang kamatayon sa usa ka minahal maoy makapaguol kaayo nga kasinatian, ilabina niadtong mga walay paglaom sa Gingharian. (1 Tes. 4:13) Daghan ang nahibulong: ‘Nganong mamatay man ang tawo? Unsay mahitabo kanila sa dihang sila mamatay? Makita pa ba nako pag-usab ang akong minahal?’ Sa ubos adunay pipila ka sugyot alang sa paghupay niadtong mahimamat nato sa kanataran nga nagbangotan tungod sa kamatayon sa usa ka paryente o higala.—Isa. 61:2.

2. Kon ang tagbalay moingon nga siya nagmasulub-on, angay ba kitang magdugay sa pagpakighisgot kaniya?

2 Sa Balay ug Balay: Ang tagbalay lagmit moingon nga bag-o ra siyang namatyan diha sa iyang pamilya. Ato bang nakita nga nagmasulub-on siya? Nagbangotan ba ang mga paryente sa sulod sa balay? Sa maong mga kahimtang, mas maayong dili kita magdugay sa pagpakighisgot kanila. (Eccl. 3:1, 7) Tingali ikapahayag nato ang atong simpatiya, hatagan siyag haom nga tract, magasin, o brosyur, ug matinahorong mobiya. Dayon makabalik kita sa mas kombenyenteng panahon aron ipaambit ang dugang paghupay gikan sa Bibliya.

3. Kon itugot sa mga kahimtang, unsang mga teksto ang mahimo natong basahon sa nagbangotan nga tagbalay?

3 Sa laing mga higayon, tingali bation nato nga mas daghan ang atong ikasulti sa unang pagduaw. Bisan tuod dili kini ang panahon nga supakon ang sayop nga mga panglantaw, mahimong basahon nato kanila ang mga saad sa Bibliya bahin sa pagkabanhaw. (Juan 5:28, 29) O ikapaambit nato ang giingon sa Bibliya bahin sa kahimtang sa patay. (Eccl. 9:5, 10) Ang asoy sa Bibliya bahin sa pagkabanhaw mahimong makapahupay usab. (Juan 11:39-44) Ang laing kapilian mao ang pagtagad sa mga pulong sa paglaom kang Jehova nga gipahayag sa matinumanong si Job. (Job 14:14, 15) Sa dili pa mobiya, mahimo natong itanyag ang brosyur nga Unsay Mahitabo Kanato sa Dihang Mamatay Kita?, Sa Dihang ang Imong Minahal Mamatay, o lain pang haom nga brosyur o tract. O mahimong atong ibilin ang librong Gitudlo sa Bibliya, ipasiugda ang impormasyon sa kapitulo 6, ug hikayon ang dugang panaghisgot sa ulohan sa dihang kita mobalik.

4. Unsang laing mga okasyon diin makatagana kitag paghupay?

4 Sa Laing mga Okasyon: Kon ang serbisyo sa paglubong himoon diha sa Kingdom Hall, aduna bay motambong nga mga dili Saksi? Mahimong ato silang hatagag mga basahon nga nagtaganag paghupay. Ang pipila ka punerarya nakaapresyar sa pagbaton ug haom nga mga basahon alang sa nagmagul-anong mga pamilya. Usahay, ang mga pahibalo sa paglubong nga anaa sa mantalaan nagbukas ug kahigayonan sa paghimog mubo ug makapahupayng sulat ngadto sa nagbangotan nga mga membro sa pamilya. Sa usa ka kahimtang, human makadawat ug sulat nga naglakip ug pipila ka tract, usa ka biyudo uban sa iyang anak nga babaye ang miadto sa balay sa magmamantala ug nangutana: “Kamo ba ang nagpadala niining sulata? Gusto pa kong makakat-on ug dugang bahin sa Bibliya!” Ang lalaki ug ang iyang anak nga babaye miuyon nga magtuon sa Bibliya ug nagtambongan na sa mga tigom sa kongregasyon.

5. Nganong magmaalisto kita sa pagpangitag mga higayon sa paghupay sa mga nagbangotan?

5 Ang Ecclesiastes 7:2 nag-ingon: “Mas maayo pa ang pag-adto sa balay sa pagbangotan kay sa pag-adto sa balay sa bangkete.” Ang nagbangotan sagad mas andam maminaw sa Pulong sa Diyos kay sa mga tawong hilig ug lingawlingaw. Magmaalisto kitang tanan sa pagpangitag haom nga mga higayon sa paghupay sa mga nagbangotan tungod sa kamatayon sa ilang minahal.

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa