Kon Unsay Isulti Bahin sa mga Magasin

Ang Bantayanang Torre Abr. 1

“Tungod kay giabusohan man ang yuta karon, sa imong hunahuna maluwas pa kaha kining yutaa? [Patubaga.] Matikdi kining makapahupay nga saad. [Basaha ang Salmo 104:5.] Gipakita niining artikuloha kon unsay giingon sa Bibliya bahin sa kaugmaon sa yuta.” Ipasiugda ang artikulo nga nagsugod sa panid 10.

Pagmata! Abr.

“Tungod sa atong pagkapuliki, daghan ang nalisdan sa paggahin ug panahon sa pagsimba sa Diyos. Nalisdan ka ba usab niana? [Patubaga. Dayon basaha ang Efeso 5:15-17.] Kining artikuloha naghatag sa makataronganong katin-awan sa Bibliya kon unsa ka dakong panahon ug kusog ang gipangayo sa Diyos nga atong igahin alang kaniya.” Ipasiugda ang artikulo nga nagsugod sa panid 20.

Ang Bantayanang Torre Mayo 1

“Daghang tawo ang nag-ingon nga motuo lamang sila sa kon unsay ilang makita. Mouyon ka ba nila? [Patubaga. Dayon basaha ang Roma 1:20.] Kining magasina nagpasiugda sa tulo ka hiyas sa Diyos nga klaro natong makita diha sa iyang kalalangan ug naghisgot kon sa unsang paagi ang pagkahibalo niining mga hiyasa makaapektar kanato.”

Pagmata! Mayo

“Daghang tawo karon ang nahadlok sa umaabot. Sa imong hunahuna, moarang-arang pa kaha ang kahimtang, o mograbe pa? [Patubaga. Dayon basaha ang Pinadayag 21:3, 4.] Gipatin-aw niining magasina kon nganong makasalig kita nga hapit nang sulbaron sa Diyos ang dagkong mga problema nga dili masulbad sa mga tawo.”