The Bible—Accurate History, Reliable Prophecy

Unsay pamatuod nga tukma ang asoy sa kasaysayan sa Bibliya? Unsang nangatumang mga tagna sa Bibliya ang maghatag kanatog pagsalig nga matuman usab ang umaabot nga mga tagna? Kining mga pangutanaha hisgotan sa video nga The Bible—Accurate History, Reliable Prophecy, ang ikatulong video sa DVD nga The Bible—A Book of Fact and Prophecy. Human ninyo kini matan-aw, tubaga kining mga pangutanaha:

(1) Kinsay Tinubdan sa kasaligang impormasyon sa Bibliya? (Dan. 2:28) (2) Sa unsang paagi tukmang gihubit sa Bibliya ang karaang Ehipto, ug sa unsang paagi natuman ang tagna sa Isaias 19:3, 4? (3) Sa unsang paagi gipamatud-an sa arkeolohiya ang paghubit sa Bibliya sa mga Asiryanhon, sa ilang mga hari, ug sa pagkalaglag sa Asirya? (Nah. 3:1, 7, 13) (4) Unsang mga tagna maylabot sa Babilonya ang natuman? (Jer. 20:4; 50:38; 51:30) (5) Unsang tagna bahin sa Medo-Persia ang natuman? (Isa. 44:28) (6) Sa unsang paagi natuman ang Daniel 7:6 ug Daniel 8:5, 8 bahin sa Gresya? (7) Sa unsang paagi natuman ang Daniel 7:7 sa dihang ang Roma nahimong labing gamhanang nasod sa kalibotan? (8) Kinsang mga Cesar ang gihisgotan sa Bibliya? (9) Unsay nahitabo sa mga Kristohanon ilalom sa pagmando ni Nero? (10) Sa unsang paagi natuman ang mga tagna sa Pinadayag 13:11 ug Pinadayag 17:10? (11) Unsay ilhanan sa ikawalong hari? (12) Unsang mga esena sa video ang nagpakita nga tinuod ang Ecclesiastes 8:9? (13) Unsang mga tagna sa umaabot ang mahinamon nimong gipaabot nga matuman? (14) Sa unsang paagi magamit nimo kini nga video sa pagkombinsir sa uban nga ang Bibliya gikan sa Diyos?