Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Septiyembre

“Komosta. Miduaw kami kadiyot kay duna mi ipaambit nga kasaligang tabang alang sa malamposong kaminyoon. Sa imong hunahuna, unsa ang kinadak-ang babag sa malipayong kaminyoon?” [Patubaga.] Ipakita ang likod sa Septiyembre 1 nga Bantayanang Torre, ug hisgoti ang unang pangutana ug ang usa ka teksto. Itanyag ang mga magasin, ug makigsabot nga mobalik ka aron hisgotan ang sunod nga pangutana.

Ang Bantayanang Torre Septiyembre 1

“Nagduaw mi kay daghan sa atong lugar ang nahibulong kon nganong gitugotan sa Diyos ang daghang pag-antos. Nahibulong ba sab ka? [Patubaga.] Makapadasig nga ang Bibliya nagsaad nga moabot ang panahong mawala na ang pagbangotan ug kasakitan. [Basaha ang Pinadayag 21:4.] Kini nga magasin naghisgot ug lima ka pangunang rason kon nganong daghan ang pag-antos. Kini nagpakita sab sa giingon sa Bibliya kon sa unsang paagi taposon sa Diyos ang pag-antos.”

Pagmata! Septiyembre

“Gusto namong ipaambit ang impormasyon bahin sa popular nga holiday—ang Halloween o Adlaw sa Minatay. May pipila nga dili mosaulog niini, kay ang Bibliya nagpasidaan batok niini. [Basaha ang Levitico 19:31.] Ang ubang tawo dili motuo sa daotang mga espiritu o mga dili ingon nato ug ilang giisip ang Halloween nga kalingawan lang ug dili makadaot. Unsay imong hunahuna bahin niini? [Patubaga.] Kining magasina nagbutyag sa makahahadlok nga sinugdanan sa Halloween.”