Gigamit ba Nimo ang JW Library?

Libre nga app (software application) ang JW Library. Pinaagi ani, maka-download kag Bibliya ug ubang publikasyon, video, ug audio recording sa imong cellphone, tablet, o computer.

KON UNSAON PAG-INSTALL: Pagkonek sa Internet, dayon adto sa app store ug i-install ang JW Library. Puwede ni sa lainlaing gadyet. Samtang nag-Internet, abrihi ang app ug pagpili kon unsay gusto nimong i-download. Kon walay Internet sa balay, basig puwedeng maka-Internet sa Kingdom Hall, publikong librarya, o sa mga lugar nga makakonek sa Internet. Kon ma-download na ang publikasyon, maabri na kini bisag walay koneksiyon sa Internet. Kay pirmeng naay idugang diha sa JW Library, kinahanglan kang mokonek sa Internet matag karon ug unya aron mag-update.

PARA ASA NI? Mapuslanon ang JW Library para mas sayon ang personal nga pagtuon ug pagpakigbahin sa tigom. Magamit sab ni sa ministeryo, ilabina sa impormal nga pagsangyaw.