BAHANDI GIKAN SA PULONG SA DIYOS | PROVERBIO 1-6
“Salig Kang Jehova sa Bug-os Mong Kasingkasing”
Si Jehova takos sa atong bug-os nga pagsalig. Ang kahulogan sa iyang ngalan makapalig-on sa atong pagsalig sa iyang katakos sa pagtuman sa tanan niyang mga saad. Ang pag-ampo maoy usa ka importanteng paagi sa pagpalig-on sa atong pagsalig kaniya. Ang Proverbio kapitulo 3 nagpasalig nato nga gantihan ni Jehova ang atong pagsalig kaniya pinaagi sa ‘pagtul-id sa atong mga alagianan.’
Ang usa nga maalamon sa kaugalingong mga mata . . .
maghimog mga desisyon nga dili una mangayog giya kang Jehova
mosalig sa iyang kaugalingong panghunahuna o nianang sa kalibotan
Ang usa nga mosalig kang Jehova . . .
mag-ugmad ug suod nga relasyon kaniya pinaagi sa pagtuon sa Bibliya, pagpamalandong, ug pag-ampo
mangayo sa iyang giya pinaagi sa pagpangitag mga prinsipyo sa Bibliya dihang maghimog mga desisyon
UNA: Modesisyon ko sumala sa akong gihunahuna nga mao ang labing maayo |
UNA: Mangayo ko kang Jehova ug giya pinaagi sa pag-ampo ug personal nga pagtuon |
IKADUHA: Mag-ampo ko kang Jehova nga panalanginan niya ang akong desisyon |
IKADUHA: Mohimo kog desisyon nga nahiuyon sa mga prinsipyo sa Bibliya |