Unsa ka Lig-on ang Imong Pagtuo sa mga Saad ni Jehova?

Gipamatud-an ni Josue ug Solomon nga walay bisan usa sa mga saad ni Jehova ang napakyas. (Jos 23:14; 1Ha 8:56) Ang giingon niining duha ka kasaligang saksi makapalig-on sa atong pagtuo.​—2Co 13:1; Tit 1:2.

Giunsa pagtuman ni Jehova ang iyang mga saad sa panahon ni Josue? Tan-awa uban sa imong pamilya ang video nga ‘Walay Usa ka Pulong ang Napakyas.’ Dayon konsideraha kini nga mga pangutana: (1) Sa unsang paagi masundog nimo ang pagtuo ni Rahab? (Heb 11:31; San 2:24-26) (2) Nganong ang nahitabo kang Acan nagpakita nga ang tinuyong pagsupak moresultag kadaot? (3) Bisag manggugubat ang mga taga-Gabaon, nganong gilimbongan nila si Josue ug nakigdait sa Israel? (4) Sa unsang paagi natuman ang pulong ni Jehova dihang ang lima ka Amorihanong hari nanghulga sa Israel? (Jos 10:5-14) (5) Giunsa ka pagtabang ni Jehova dihang imong giuna ang Gingharian sa Diyos ug ang iyang pagkamatarong?​—Mat 6:33.

Kon mamalandong ta sa mga nahimo ni Jehova, iyang ginahimo karon, ug sa iyang himoon sa umaabot, mas molig-on ang atong pagtuo sa iyang mga saad.​—Rom 8:31, 32.