Nganong Gipabilhan Nimo ang Tinuod nga Pagsimba?

Ang Hudiyong mga binihag nadasig sa panan-awon ni Ezequiel bahin sa templo kay nakahatag ni nilag paglaom nga mapasig-uli ang tinuod nga pagsimba. Niining kataposang mga adlaw, ang tinuod nga pagsimba ‘lig-ong natukod ibabaw sa kabukiran,’ ug apil kita niadtong gikan sa tanang nasod nga nanungas niini. (Isa 2:2) Ginapamalandong ba nimo kon unsa ka dako ang imong pribilehiyo nga makaila ug makaalagad kang Jehova?

MGA PANALANGIN SA TINUOD NGA PAGSIMBA:

• 

  Dagayang espirituwal nga pagkaon nga naghatag ug tubag sa importanteng mga pangutana bahin sa kinabuhi, praktikal nga mga prinsipyo, ug seguradong paglaom.​—Isa 48:17, 18; 65:13; Rom 15:4

• Mahigugmaong panag-igsoonay sa tibuok kalibotan.​—Sal 133:1; Ju 13:35

• Pribilehiyo ingong isigkamagbubuhat sa Diyos sa makapalipayng buluhaton.​—Buh 20:35; 1Co 3:9

• “Kalinaw sa Diyos” nga makapalig-on kanato panahon sa kalisdanan.​—Flp 4:6, 7

• Hinlo nga konsensiya.​—2Ti 1:3

• Suod nga relasyon kang Jehova.​—Sal 25:14

Unsaon nako pagpakita nga akong gipabilhan ang tinuod nga pagsimba?