KRISTOHANONG PAGKINABUHI

Pagsangyaw ug Pagpanudlo—Importante sa Paghimog Tinun-an

Gisugo ni Jesus ang iyang mga sumusunod nga manglakaw ug maghimog mga tinun-an. (Mat 28:19) Lakip niini ang pagsangyaw ug pagpanudlo. Importante nga matag karon ug unya pangutan-on nato ang atong kaugalingon, ‘Unsay akong himoon aron mouswag ko sa pagsangyaw ug pagpanudlo?’

PAGSANGYAW

Imbes maghulat nga moduol ang mga tawo nato, kinahanglang maningkamot ta sa pagpangita sa mga tawong “takos.” (Mat 10:11) Dihang makigbahin ta sa ministeryo, nangita ba tag mga paagi nga maestorya ang mga tawo sa teritoryo? (Buh 17:17) Si Lydia nahimong tinun-an tungod sa makugihong pagsangyaw ni apostol Pablo.—Buh 16:13-15.

Si Samuel nagtanyag ug magasin kang Ezekiel; si Solomon ug Mary nagsangyaw kang Ezekiel ug Abigail — “Sa buntag ipugas ang imong binhi ug hangtod sa gabii ayaw papahulaya ang imong kamot” (Ecc 11:6)

TAN-AWA ANG VIDEO NGA LAHUTAY SA PAGSANGYAW—SA IMPORMAL UG SA BALAY UG BALAY, UG DAYON TUBAGA ANG MOSUNOD NGA MGA PANGUTANA:

Sa iyang adlaw-adlawng kalihokan, giunsa pagpakita ni Samuel nga madasigon siyang nagpugas ug mga binhi sa kamatuoran?
Nganong angay tang molahutay sa tanang matang sa pagsangyaw?
Sa imong adlaw-adlawng kalihokan, kinsa ang puwede nimong sangyawan bahin sa Gingharian?

PAGPANUDLO

Aron makahimog mga tinun-an, dili igo ang paghatag lang ug mga literatura ngadto sa mga tawo. Aron matabangan silang mouswag sa espirituwal, kinahanglan tang magbalikduaw ug magdumalag mga pagtuon sa Bibliya. (1Co 3:6-9) Pero komosta kon ang atong mga paningkamot sa pagtudlo sa uban bahin sa Gingharian wala kaayoy maayong resulta? (Mat 13:19-22) Kinahanglan tang magpadayon sa pagpangita sa mga tawo nga may kasingkasing nga samag “maayong yuta.”—Mat 13:23; Buh 13:48.

Si Solomon ug Mary nagdumalag pagtuon sa Bibliya kang Ezekiel ug Abigail; si Ezekiel ug Abigail nakigbahin sa publikong pagsangyaw — “Ako ang nagtanom, si Apolos ang nagbisibis, apan ang Diyos ang nagpadayon sa pagpatubo niini” (1Co 3:6)

TAN-AWA ANG VIDEO NGA LAHUTAY SA PAGSANGYAW—SA PUBLIKO UG SA PAGHIMOG MGA TINUN-AN, UG DAYON TUBAGA ANG MOSUNOD NGA MGA PANGUTANA:

Giunsa pagbisbis ni Solomon ug Mary ang mga binhi sa kamatuoran nga napugas sa kasingkasing ni Ezekiel ug Abigail?
Unsay angay natong tumong sa tanang bahin sa atong ministeryo, apil na ang publikong pagsangyaw?
Sa unsang paagi tingali nato mahatagag mas labawng pagtagad ang pagtudlo sa uban bahin sa kamatuoran?