Usa ka Panan-awon nga Makapalig-on sa Pagtuo

9:1-7

Hunahunaa kon unsay gibati ni Jesus panahon sa panan-awon sa transpigurasyon dihang nadungog niya ang tingog sa iyang langitnong Amahan nga nag-ingon nga siya Iyang giuyonan. Seguradong nakapalig-on to kang Jesus sa pagsagubang sa iya unyang masinating pag-antos. Kini nga panan-awon nakapalig-on sab kang Pedro, Santiago, ug Juan. Si Jesus mao gayod ang Mesiyas, ug husto gyod nga namati sila kaniya. Mga 32 ka tuig sa ulahi, nahinumdoman gihapon ni Pedro ang maong hitabo ug kon sa unsang paagi ang “matagnaong pulong” nahimong mas tinuod alang kaniya.​—2Pe 1:16-19.

Bisag wala ta makakita sa maong makapahinganghang panan-awon, atong nakita ang katumanan niini. Si Jesus nagmando na ingong gamhanang Hari. Sa dili madugay, iya nang ‘taposon ang iyang pagpangdaog,’ nga magbukas sa dalan paingon sa matarong nga bag-ong kalibotan.​—Pin 6:2.

Sa unsang paagi napalig-on ang imong pagtuo sa pagkakita sa katumanan sa tagna sa Bibliya?