Unsa Kahay Hunahunaon ni Jehova?

Sa dili pa mohimog desisyon, dagko man o gagmay, gipangutana ba nato ang kaugalingon, ‘Unsa kahay hunahunaon ni Jehova?’ Bisag dili nato bug-os mahibaloan ang hunahuna ni Jehova, daghan siyag gipadayag sa iyang Pulong aron maandam ta sa “matag maayong buhat.” (2Ti 3:16, 17; Rom 11:33, 34) Klarong nasabtan ni Jesus ang kabubut-on ni Jehova ug iya kining giuna sa iyang kinabuhi. (Ju 4:34) Agig pagsundog kang Jesus, hinaot paningkamotan nato nga mohimog mga desisyon nga makapalipay kang Jehova.—Ju 8:28, 29; Efe 5:15-17.

TAN-AWA ANG VIDEO NGA PADAYONG SABTA ANG KABUBUT-ON NI JEHOVA (LEV 19:18), DAYON TUBAGA ANG MOSUNOD NGA MGA PANGUTANA:

• Nganong angay natong ipadapat ang mga prinsipyo sa Bibliya sa atong kinabuhi?

• Unsang mga prinsipyo sa Bibliya ang atong sundon dihang mopilig musika?

• Unsang mga prinsipyo sa Bibliya ang atong sundon bahin sa sininaan ug panagway?

• Unsa pa nga mga kahimtang nga angay natong ipadapat ang mga prinsipyo sa Bibliya?

• Unsaon nato pagpauswag ang atong katakos nga masabtan ang kabubut-on ni Jehova?