Gihigugma ni Jehova ang mga Tawong Hinlo

“Panghunaw. Panghinlo sa imong kuwarto. Silhigi ang salog. Ilabay ang basura.” Ginatudloan sa daghang ginikanan ang ilang mga anak bahin sa pisikal nga kahinlo. Sa pagkatinuod, ang mga prinsipyo bahin sa kahinlo gikan mismo sa atong balaang Diyos. (Ex 30:18-20; Deu 23:14; 2Co 7:1) Kon pirme natong hinloan ang atong lawas ug mga gamit, atong gipasidunggan si Jehova. (1Pe 1:14-16) Komosta ang atong balay ug palibot? Dili sama sa uban nga ilabay ang basura diha sa mga dalan ug parke, ang mga Kristohanon naningkamot nga magpabiling hinlo ang atong yuta. (Sal 115:16; Pin 11:18) Ang atong tinamdan bahin sa kahinlo makita bisan sa gagmayng butang, sama sa paglabayg putos sa kendi, basiyo sa ilimnon, o chewing gum. Sa tanang bahin sa atong kinabuhi, gusto natong ‘irekomendar ang atong kaugalingon ingong mga ministro sa Diyos.’​—2Co 6:3, 4.

TAN-AWA ANG VIDEO NGA GIHIGUGMA SA DIYOS ANG MGA TAWONG MAHINLO, DAYON TUBAGA ANG MOSUNOD NGA MGA PANGUTANA:

• Unsay lagmit mga pasangil sa uban sa dili nila paghinlo sa ilang mga gamit?

• Sa unsang paagi ang Moisesnong Balaod nagpadayag sa panglantaw ni Jehova sa kahinlo?

• Sa unsang paagi nato madayeg si Jehova bisag wala tay isulti?