“Ang Tibuok Yuta May Usa Lang ka Pinulongan”

11:1-4, 6-9

Sa Babel, gipatibulaag ni Jehova ang dili masinugtanong mga tawo pinaagi sa paglibog sa ilang pinulongan. Karon, siya nagtigom ug dakong panon gikan sa tanang kanasoran ug pinulongan ug naghatag kanilag “putling pinulongan” aron sila “motawag sa ngalan ni Jehova ug magkahiusa sa pag-alagad kaniya.” (Sof 3:9; Pin 7:9) Kining “putling pinulongan” mao ang kamatuoran bahin kang Jehova ug sa iyang mga katuyoan nga naa sa Bibliya.

Ang pagtuon ug bag-ong pinulongan dili lang basta pagmemorya ug bag-ong mga pulong. Kinahanglang bag-ohon sab nimo ang imong paagi sa paghunahuna. Sa samang paagi, samtang tun-an nato ang putling pinulongan sa kamatuoran, mausab ang atong panghunahuna. (Rom 12:2) Kini maoy padayong proseso nga nakatabang sa katawhan sa Diyos nga magkahiusa.​—1Co 1:10.