Barog nga Lig-on Samtang Nagkaduol ang Kataposan

KON NGANONG IMPORTANTE: Ang kulbahinam nga mga hitabo sa umaabot magsulay sa atong kaisog ug pagsalig kang Jehova. Ang dakong kasakitan magsugod dihang laglagon ang bakak nga relihiyon. (Mat 24:21; Pin 17:16, 17) Nianang kuyaw nga panahon, posibleng isangyaw nato ang bug-at nga mensahe sa paghukom. (Pin 16:21) Atakehon ta ni Gog sa Magog. (Eze 38:10-12, 14-16) Aron depensahan ang iyang katawhan, ipahinabo ni Jehova ang “gubat sa dakong adlaw sa Diyos nga Labing Gamhanan.” (Pin 16:14, 16) Aron dili ta mahadlok niana nga mga hitabo, kinahanglang magpabilin tang lig-on karon dihang sulayan ang atong pagtuo.

KON UNSAON PAGHIMO:

• Depensahi ug sunda ang taas nga sukdanan ni Jehova sa moral.​—Isa 5:20

• Padayon sa pag-alagad uban sa mga isigka-Kristohanon.​—Heb 10:24, 25

• Sunda dayon ang direksiyon gikan sa organisasyon ni Jehova.​—Heb 13:17

• Palandonga kon giunsa pagluwas ni Jehova ang iyang katawhan kaniadto.​—2Pe 2:9

• Ampo kang Jehova, ug salig kaniya.​—Sal 112:7, 8

TAN-AWA ANG VIDEO NGA MGA PANGHITABO SA UMAABOT NGA NAGKINAHANGLAN UG KAISOG​—EXCERPT, DAYON TUBAGA ANG MOSUNOD NGA MGA PANGUTANA:

• 

  Sa unsang paagi nasulayan ang pagkamasinugtanon sa mga magmamantala dihang gi-merge ang ilang kongregasyon ngadto sa ubang kongregasyon?

• 

  Sa unsang paagi konektado ang kaisog ug pagkamasinugtanon?

• 

  Nganong kinahanglan ang kaisog panahon sa Armagedon?

• 

  Unsang asoy sa Bibliya ang makatabang aron molig-on ang atong pagtuo sa gahom ni Jehova sa pagluwas?​—2Cr 20:1-24