Gusto ba Kang Moaplay sa School for Kingdom Evangelizers?

Nag-edad ba ka ug 23 hangtod 65 ug naa sa bug-os panahong pag-alagad? Maayo ba ang imong panglawas ug andam ba kang moalagad diin mas dako ang panginahanglan? Kon oo, nakahunahuna ba ka sa pag-aplay sa School for Kingdom Evangelizers? Sukad sa unang klase, linibo na ka magtiayon ug tagsaanong brader ug sister ang miaplay. Pero nagkinahanglan pa mig dugang tagsaanong brader nga moaplay. Iampo kang Jehova nga modako pa ang imong tinguha nga lipayon siya ug sundogon ang iyang Anak. (Sal 40:8; Mat 20:28; Heb 10:7) Dayon pangitag paagi nga mamenosan ang imong sekular o personal nga mga obligasyon aron mokuwalipikar.

Unsang mga pribilehiyo sa pag-alagad ang nadawat sa mga migraduwar niini nga pagbansay? Ang uban giasayn sa mga lugar diin ang mga tawo lainlaig pinulongan o sa special metropolitan public witnessing. Ang uban nag-alagad sa ulahi ingong substitute nga tigdumala sa sirkito, misyonaryo, o tigdumala sa sirkito. Samtang mamalandong sa puwede pa nimong mahimo sa pag-alagad kang Jehova, hinaot mapahayag sab nimo ang giingon ni propetang Isaias: “Ania ko! Ipadala ko!”​—Isa 6:8.

TAN-AWA ANG VIDEO NGA MGA MISYONARYO​—MGA MANGANGANI, DAYON TUBAGA ANG MOSUNOD NGA MGA PANGUTANA:

• 

  Giunsa pagpili ang mga misyonaryo?

• 

  Unsay ginahimo sa mga misyonaryo?

• 

  Unsa ang pipila sa mga panalangin sa pag-alagad ingong misyonaryo?