Tandoga ang Kasingkasing

Ang pagsunod sa Diyos naggikan sa kasingkasing. (Pr 3:1) Busa, sa dihang magtudlo, kinahanglang maningkamot ta nga tandogon ang kasingkasing sa atong mga mamiminaw. Sa unsang paagi?

Dili lang mga kamatuoran sa Bibliya ang itudlo nimo sa imong study, kondili tabangan sab nimo siya nga makita kon sa unsang paagi ang iyang gitun-an mapadapat sa iyang kinabuhi ug sa iyang relasyon kang Jehova. Tabangi siya nga masabtan kon sa unsang paagi ang mga sukdanan sa Bibliya nagpakita sa gugma, pagkamaayo, ug pagkamatarong sa Diyos. Pangutan-a siya sa mataktikanhong paagi aron matabangan siya sa pagsusi kon unsay pagbati niya sa iyang nakat-onan. Tabangi siya nga masabtan kon unsay mga kaayohan sa dihang tul-iron niya ang sayop nga panglantaw o panggawi. Sa dihang makita nimo ang kinasingkasing nga gugma sa imong study para kang Jehova, mouswag ang imong kalipay.

TAN-AWA ANG VIDEO NGA BATIA ANG KALIPAY SA PAGHIMOG TINUN-AN—PAUSWAGA ANG IMONG MGA KAHANAS—TANDOGA ANG KASINGKASING, UG DAYON TUBAGA ANG MOSUNOD NGA MGA PANGUTANA:

• 

  Nganong gipangutana ni Neeta si Jade: “Napamalandong ba nimo atong topic adtong Lunes?”

• 

  Sa unsang paagi gitabangan ni Neeta si Jade nga masabtan nga ang mga sukdanan sa Bibliya nagpakita sa gugma ni Jehova kaniya?

• 

  Sa unsang paagi gitabangan ni Neeta si Jade nga masabtan kon sa unsang paagi ikapakita niya ang iyang gugma sa Diyos?