Tratara ang Tigulang nga mga Babaye Ingong Inahan, ang Batan-ong mga Babaye Ingong Igsoong Babaye

Ang Kasulatan nag-awhag kanato nga trataron ang tigulang nga mga Kristohanon nga samag atong mga inahan ug amahan ug ang batan-ong mga Kristohanon ingong atong mga igsoon. (Basaha ang 1 Timoteo 5:1, 2.) Kinahanglang trataron sa mga brader ang mga sister uban ang dignidad ug pagtahod.

Ang usa ka brader dili gyod angayng mo-flirt o mobuhat ug bisan unsa nga makapahimo sa sister nga dili komportable. (Job 31:1) Dili angayng duladulaan sa usa ka Kristohanong ulitawo ang emosyon sa usa ka Kristohanong dalaga. Dili siya angayng mogawi sa paagi nga ang dalaga magdahom nga nakagusto siya niini bisag wala.

Ang mga ansiyano angayng magpakitag mahigugmaong konsiderasyon niadtong mga sister nga matinahorong mangutana o kaha mosulti bahin sa usa ka butang nga tingali kinahanglang atimanon. Ang mga ansiyano ilabinang magpakitag konsiderasyon niadtong walay bana nga makapanalipod kanila.—Ru 2:8, 9.

TAN-AWA ANG VIDEO NGA IPAKITA ANG WALAY PAGLUBAD NGA GUGMA DIHA SA KONGREGASYON—NGADTO SA MGA BIYUDA UG MGA BATA NGA WALA NAY AMAHAN, UG DAYON TUBAGA ANG MOSUNOD NGA MGA PANGUTANA:

• 

  Sa unsang paagi ang kongregasyon nagpakitag talagsaong gugma kang Sister Myint?

• 

  Sa unsang paagi ang gugma nga gipakita sa kongregasyon nakahatag ug maayong pamatuod diha sa ilang baryo?

• 

  Sa unsang paagi ang gugma nga gipakita sa kongregasyon nakatabang sa mga anak ni Sister Myint?

Unsa ang pipila ka praktikal nga paagi nga makapakita kag mahigugmaong pagtagad sa mga sister sa kongregasyon?