Mga Leksiyon sa Kinabuhi ni Samuel

Si Samuel nagmatinumanon kang Jehova sa tibuok niyang kinabuhi. Sa bata pa siya, wala niya sundoga ang daotang mga anak ni Eli, si Hopni ug Pinehas. (1Sa 2:22-26) Samtang nagdako si Samuel, si Jehova nag-uban kaniya. (1Sa 3:19) Dihang tigulang na si Samuel, padayon gihapon siyang nagsunod kang Jehova, bisan pag ang iyang mga anak wala magmatinumanon.—1Sa 8:1-5.

Unsay atong makat-onan sa ehemplo ni Samuel? Kon batan-on ka, makasalig ka nga nakasabot si Jehova sa mga kalisdanan nga imong giatubang ug sa imong gibati. Tabangan ka niya nga magmaisogon. (Isa 41:10, 13) Kon ginikanan ka ug ang imong anak wala na mag-alagad, ayawg kaluya kay bisan si Samuel wala magpugos sa iyang mga anak nga magmaunongon kang Jehova. Iya na lang kining gitugyan kang Jehova, ug naningkamot nga magmaunongon ug mapalipay ang iyang langitnong Amahan, si Jehova. Basin diay ang imong maayong ehemplo makadasig sa imong anak nga mobalik kang Jehova.

TAN-AWA ANG VIDEO NGA PAGKAT-ON GIKAN KANILA—SAMUEL, DAYON TUBAGA ANG MOSUNOD NGA MGA PANGUTANA:

• 

  Sa unsang paagi si Samuel nagpakitag kaisog sa bata pa siya?

• 

  Giunsa pagpakitag kaisog ni Danny?

• 

  Sa unsang paagi si Samuel nagpakitag maayong ehemplo dihang tigulang na siya?

• 

  Sa unsang paagi nagpakitag maayong ehemplo ang mga ginikanan ni Danny?