Tabangi ang mga Bible Study sa Paglikay sa Dili Maayong mga Kauban

Aron mahimo silang higala ni Jehova, ang mga Bible study kinahanglang mopilig maayong mga kauban. (Sal 15:1, 4) Ang maayong mga higala makaimpluwensiya nila sa paghimo kon unsay husto.—Pr 13:20; lff leksiyon 48.

Dihang tabangan nimo ang imong mga Bible study sa paglikay sa dili maayong mga kauban, ipakita ang empatiya. Tingali malisdan sila sa pagbiya sa ilang mga higala. Busa, magpakitag tinuod nga interes kanila bisag dili ninyo eskedyul nga mag-Bible study. Puwede nimo siyang i-text, tawagan, o bisitahon. Samtang mouswag ang imong mga Bible study, iuban sila sa mga tapoktapok uban sa mga igsoon. Ug ilang makita nga mas daghag nadugang kanila kay sa nawala kanila. (Mar 10:29, 30) Malipay sab kang makita nga nagkadako ang pamilya ni Jehova.

TAN-AWA ANG VIDEO NGA TABANGI ANG IMONG BIBLE STUDY SA PAGLIKAY SA DILI MAAYONG MGA KAUBAN, DAYON TUBAGA ANG MOSUNOD NGA MGA PANGUTANA:

• Unsa ang dili maayong mga kauban?—1Co 15:33

• Unsay giimadyin ni Jade dihang magtapoktapok ang mga Saksi?

• Unsay gihimo ni Neeta aron matabangan si Jade sa pagbaton ug bag-ong mga higala?