KRISTOHANONG PAGKINABUHI
Sayra ang Panghunahuna sa Diyos
Gusto natong malipay si Jehova sa tanan natong himoon. (Pr 27:11) Mahimo nato na kon mohimo tag mga desisyon nga uyon sa iyang panghunahuna bisan pag walay espesipikong balaod o sugo nga mogiya nato. Unsay makatabang nato?
Regular nga tun-i ang Bibliya. Dihang magbasa tag Bibliya, samag nakig-uban ta kang Jehova. Mahibaloan nato ang panghunahuna ni Jehova kon atong obserbahan kon giunsa niya pagtratar ang iyang katawhan ug tun-an ang mga pananglitan niadtong naghimog maayo o daotan sa iyang panglantaw. Dihang mohimo tag desisyon, tabangan ta sa balaang espiritu nga mahinumdoman ang importanteng mga leksiyon ug prinsipyo nga atong nakat-onan sa Pulong sa Diyos.—Ju 14:26.
Pag-research. Dihang mohimog desisyon, pangutan-a ang kaugalingon, ‘Unsang mga teksto o asoy sa Bibliya ang makatabang nako nga masabtan kon unsay pagbati ni Jehova bahin niini?’ Pag-ampo kang Jehova alang sa tabang, ug gamita ang mga research tool nga naa sa imong pinulongan aron makita ug mapadapat ang mga prinsipyo sa Bibliya nga haom sa imong situwasyon.—Sal 25:4.
TAN-AWA ANG VIDEO NGA KINAHANGLANG MOLAHUTAY TA SA PAGDAGAN—KAON UG SUSTANSIYADONG PAGKAON, DAYON TUBAGA ANG MOSUNOD NGA MGA PANGUTANA:
Unsang mga problema ang giatubang sa batan-ong sister sa video?
Unsaon nimo paggamit ang atong mga research tool aron matabangan ka sa imong mga problema?
Unsay mga kaayohan kon mogahin tag panahon sa pag-research ug personal nga pagtuon nga makatabang sa paghimog maayong mga desisyon?—Heb 5:13, 14