Ang Integridad ug ang Atong Gihunahuna

Mapakita nato ang atong integridad dili lang pinaagi sa atong ginasulti ug ginabuhat kondili pinaagi pod sa atong ginahunahuna. (Sal 19:14) Busa gidasig ta sa Bibliya sa paghunahuna sa bisan unsang butang nga tinuod, importante, matarong, putli, hiligugmaon, dungganon, maayo, ug dalayegon. (Flp 4:8) Siyempre, dili nato kanunayng mapugngan nga mosulod sa atong hunahuna ang sayop nga mga panghunahuna. Pero ang pagpugong sa kaugalingon motabang nato nga isalikway ang sayop nga panghunahuna ug pulihan nig maayong panghunahuna. Ang paghupot ug integridad diha sa atong gihunahuna motabang nato nga mahuptan ang atong integridad diha sa atong binuhatan.​—Mar 7:21-23.

Sa ubos sa mosunod nga mga teksto, isulat ang panghunahuna nga angay natong likayan:

Rom 12:3

Luc 12:15

Mat 5:28

Flp 3:13