Madaog Nato ang Pagdumot!

Kon wala, tingali nakita na nimo nga nahitabo ni sa uban. Daghag balita bahin sa mga tawo nga biktima sa pagdumot tungod kay lahi silag rasa, nasyonalidad, o tungod kay homoseksuwal sila. Tungod niini, daghang gobyerno ang naghimog mga balaod bahin sa lainlaing krimen tungod sa pagdumot.

Ang pagdumot moresultag mas grabeng pagdumot. Sagad, ang mga biktima sa pagdumot manimalos, ug tungod ana magpadayon na ang pagdumot.

Tingali nabiktima na ka sa diskriminasyon, pagyagayaga, panginsulto, ug pagpanghulga. Pero sagad, grabe pa ana ang mahitabo. Ang pagdumot moresultag bayolenteng mga buhat sama sa pagpang-bully, pagdaot sa propidad sa uban, pag-atake, pagpanglugos, pagpatay, o pagpuo pa ganig rasa.

Tubagon niini nga magasin ang mosunod nga mga pangutana ug ipakita niini kon unsaon pagwala ang pagdumot:

• Nganong daghan kaayong tawo ang nagdumot?

• Sa unsang paagi madaog ang pagdumot?

• Moabot pa kaha ang panahon nga wala nay pagdumot?