Pagkat-on sa mga Hulagway

Daghan tag makat-onan sa mga hulagway diha sa atong mga publikasyon. Unsay imong himoon aron mas makabenepisyo ka niini nga mga hulagway?

• Sa dili pa nimo basahon ang usa ka artikulo, tan-awa una ang mga hulagway. Makatabang ni aron mas mainteres ka nga basahon ang artikulo. Ang mga hulagway samag lami kaayo tan-awon nga pagkaon; makita pa lang nimo, kakaonon ka na. Maong pangutan-a ang imong kaugalingon, ‘Unsay akong nakita?’—Amos 7:7, 8.

• Samtang basahon nimo ang artikulo, tan-awa ang mga hulagway nga gigamit. Basaha pod ang mga kapsiyon o deskripsiyon sa mga hulagway. Pamalandonga kon unsay koneksiyon sa hulagway ngadto sa tema sa artikulo ug kon unsaon nimo pagpadapat ang mga leksiyon nga imong nakat-onan.

• Human nimog basa, gamita ang mga hulagway aron ma-review ang pangunang mga punto sa artikulo. Sulayi paghinumdom ang mga hulagway ug ang mga leksiyon nga gitudlo niini.

• Puwede nimong tan-awon pag-usab ang mga hulagway niini nga magasin ug sulayi kon mahinumdom pa ba ka sa mga leksiyon niini.