2016 Tinuig nga Teksto

“Ang daghan . . . magdumtanay [ug] mobugnaw ang gugma.” (Mat. 24:10, 12) Kini ang gitagna ni Jesus nga mahitabo sa gugma sa mga tawo sa hapit na ang kalaglagan sa Jerusalem sa 70 C.E. Sa laing bahin, ang mga tinun-an ni Kristo nailhan tungod sa ilang gipakitang gugma. (Juan 13:35) Seguradong nadasig ang Hebreohanong mga Kristohanon sa Jerusalem dihang nabasa nila ang paghisgot ni Pablo sa ilang inigsoong gugma ug ang pagdasig nga ipadayon nila kini.

Karon, duol na pod ang kalaglagan sa tibuok kalibotang sistema ni Satanas. Parehas sa atong mga igsoon sa unang siglo, gilibotan kitag mga tawo nga mahigugmaon sa kaugalingon, kuwarta, ug kalipayan pero walay gugma sa Diyos ug isigkatawo. (2 Tim. 3:1-4) Lahi ang mga Saksi ni Jehova sa tibuok yuta tungod sa atong inigsoong gugma. Hinaot atong ipadayon ang atong inigsoong gugma kay pinaagi niini madayeg nato si Jehova, ang personipikasyon sa gugma.