Problema sa Ekonomiya—Kon Unsay Himoon sa Gingharian sa Diyos

Daghang tawo sa tibuok kalibotan ang naglisod sa pinansiyal—ug misamot pa gyod nig ka lisod.

• Sumala sa di pa dugay nga report sa tibuok kalibotan,a gamay na lang kaayo ang mapalit sa mga tawo gikan sa ilang suweldo. Kini nagpasidaan nga kon dili ni masulbad nga problema, mas modako ang kalainan sa mga dato ug pobre, ug mas daghang pamilya ang mawad-ag komportableng kinabuhi.

Masulbad kaha sa mga gobyerno ang nagkagrabeng krisis sa ekonomiya? O naa ba silay mahimo aron moarang-arang man lang ang kahimtang?

Ang Bibliya naghisgot nga naay gobyerno nga seguradong makasulbad sa tanang problema sa ekonomiya, apil ang pagkadili-patas. Kini nag-ingon nga “ang Diyos sa langit magtukod ug gingharian,” usa ka gobyerno nga magmando sa tibuok yuta. (Daniel 2:44) Ubos niana nga gobyerno, walay usa nga makalimtan o mapasagdan. (Salmo 9:18) Seguroon sa Gingharian sa Diyos nga ang mga tawo makabaton sa tanan nilang panginahanglan ug magmalipayon. Ang tanan mag-enjoy na sa resulta sa ilang mga paghago.—Isaias 65:21, 22.