2023: Tuig nga Puno sa Kabalaka—Unsay Giingon sa Bibliya?

Sa 2023, daghang panghitabo sa kalibotan ang nagpakita nga nagkinabuhi na gyod ta sa panahon nga gitawag sa Bibliya ug “kataposang mga adlaw.” (2 Timoteo 3:1) Tan-awa kon sa unsang paagi ang mga tagna sa Bibliya natuman sa atong panahon karon.

Ang Bibliya ug mga panghitabo sa kalibotan

“Mga gubat sa lainlaing dapit.”—Mateo 24:6.

• “Nagkadaghan ang bayolenteng panag-away sa lainlaing bahin sa kalibotan.”a

“Mga linog sa lainlaing dapit.”—Marcos 13:8.

• “Sukad sa pagsugod sa 2023, naa nay 13 ka linog sa tibuok kalibotan nga mas kusog pa sa magnitude 7; kini nga gidaghanon maoy usa sa kinatas-ang mga ihap nga narekord sukad.”b

“Makalilisang nga mga talan-awon.”—Lucas 21:11.

• “Dili na init ang panahon karon; puwerteng inita na gyod hinuon.”—António Guterres, UN secretary-general.c

“Kanihit sa pagkaon.”—Mateo 24:7.

• “2023: Lain na pod nga tuig sa grabeng kabalaka niadtong mga naglisod sa pagtaganag pagkaon sa ilang pamilya.”d

“Kuyaw nga mga panahong lisod sagubangon.”—2 Timoteo 3:1.

• “Usa sa walo ka tawo ang naay problema sa mental health.”e

Unsa kahay mahitabo sa 2024?

Walay usa nato ang nahibalo kon unsa gyoy mahitabo sa 2024. Pero ang mga panghitabo sa kalibotan nagpakita nga sa dili madugay, ang mga gobyerno sa tawo pulihan sa Gingharian sa Diyos, o gobyerno sa langit. Kini magtapos sa tanang hinungdan sa pag-antos ug kabalaka.—Daniel 2:44; Pinadayag 21:4.

Samtang ato ning paaboton, makasalig ta sa tabang sa Diyos dihang mabalaka ta. Ang Bibliya nag-ingon:

“Dihang mahadlok ko, mosalig ko nimo.”—Salmo 56:3.

Sa unsang paagi nato mapakita nga nagsalig ta sa Diyos? Gidasig ka namo nga mokat-on ug dugang bahin sa nindot nga saad sa Bibliya nga sa umaabot wala na unyay pag-antos. Sulayi ang among libreng interactive nga pagtuon sa Bibliya aron imong makita kon sa unsang paagi makabenepisyo ka ug ang imong pamilya sa mga saad sa Bibliya.