Nganong Gitawag Mog mga Saksi ni Jehova?

Jehova ang ngalan sa Diyos, sumala sa Bibliya. (Exodo 6:3; Salmo 83:18) Ang saksi maoy usa ka tawo nga mopahayag sa mga ideya o kamatuoran nga niana siya kombinsido.

Busa, ang among ngalang Mga Saksi ni Jehova nagpaila kanamo ingong grupo sa mga Kristohanon nga nagpahayag sa kamatuoran bahin kang Jehova, ang Maglalalang sa tanang butang. (Pinadayag 4:11) Kami nanaksi, o nagpamatuod, ngadto sa uban pinaagi sa among pagkinabuhi ug sa pagpaambit kanila sa among nakat-onan sa Bibliya.—Isaias 43:10-12; 1 Pedro 2:12.