Gitahod ba sa mga Saksi ni Jehova ang Ubang Relihiyon?

Among gisunod ang tambag sa Bibliya nga “tahora ang tanang tawo”—bisag unsa pay ilang tinuohan. (1 Pedro 2:17, Maayong Balita Biblia) Pananglitan, sa ubang nasod dunay libolibo ka Saksi ni Jehova. Bisan pa niana, wala namo impluwensiyahi ang mga politiko o mga magbabalaod sa pagbabag o pagdili sa buluhaton sa ubang relihiyon. Wala usab kami mangampanya nga maghimog balaod ang gobyerno aron sundon sa katilingban ang among moral ug relihiyosong baroganan. Hinunoa, among gitahod ang uban sama sa ilang pagtahod kanamo.—Mateo 7:12.