Ang Diyos ba Nagpuyo sa Usa ka Dapit?

Tubag sa Bibliya

Oo. Ang Diyos nagpuyo usa ka dapit—sa langit. Matikdi kining mga tekstoha:

Si Haring Solomon miampo: “Mamati ka unta gikan sa mga langit, ang imong pihong dapit nga puloy-anan.”—1 Hari 8:43.

Gitudloan ni Jesu-Kristo ang iyang mga tinun-an sa pag-ampo sa ilang ‘Amahan nga anaa sa mga langit.’—Mateo 6:9.

Human mabanhaw si Jesus, siya misulod “sa langit mismo, aron moatubang sa persona sa Diyos.”—Hebreohanon 9:24.

Kining mga tekstoha nagpakita nga si Jehova nga Diyos maoy tinuod nga persona ug siya nagpuyo sa langit lang, dili kay bisan asa.