Footnote

a Ang mga Saksi ni Jehova, tungod sa ilang kahinam sa ikaduhang pag-abot ni Jesus, nagsugyot ug mga petsa nga sayop diay. Tungod niini, gitawag sila sa pipila nga bakak nga mga manalagna. Apan, sila wala gayod niining bahina nangahas sa pagsulting ang mga panagna nagsumikad ‘pinaagi sa ngalan ni Jehova.’ Wala gayod sila miingon, ‘Kini mao ang mga pulong ni Jehova.’ Ang The Watchtower, ang opisyal nga basahon sa mga Saksi ni Jehova, miingon: “Kami wala makabatog gasa sa panagna.” (Enero 1883, panid 425) “Ni among gipakahimaya ang among mga sinulat o giisip nga dili-masayop.” (Disyembre 15, 1896, panid 306) Ang The Watchtower miingon usab nga ang kamatuoran nga ang pipila nakabaton sa espiritu ni Jehova “wala magkahulogan nga sila karong nagaalagad ingong mga saksi ni Jehova dinasig. Wala kini magkahulogan nga ang mga sinulat niining magasin nga The Watchtower dinasig ug dili-masayop ug walay mga sayop.” (Mayo 15, 1947, panid 157) “Ang The Watchtower wala mangangkon nga dinasig ang mga pulong niini, ni kini dogmatiko.” (Agosto 15, 1950, panid 263) “Ang mga igsoon nga nagaandam niining publikasyona masalaypon. Ang ilang mga sinulat dili dinasig sama niadtong kang Pablo ug ubang mga magsusulat sa Bibliya. (2 Tim. 3:16) Ug busa, may mga panahon, kon gikinahanglan, samtang nagkatin-aw ang pagsabot, nga tul-iron ang mga panglantaw. (Prov. 4:18)”​—Pebrero 15, 1981, panid 19.