Footnote
a Ang bitumen, aspalto, alkitran, ug bulitik maoy mga termino nga sagad mabaylobaylo paggamit nga nagtumong sa mao ra nga butang. Apan, ang bitumen maoy kasagarang termino alang sa usa ka klase sa itom, bug-at nga hydrocarbon nga substansiya sa alkitran, bulitik, ug petrolyo. Ang alkitran maoy itom ug pilitpilit nga substansiya nga makuha gikan sa proseso sa pagtunaw sa mga materyales sama sa kahoy, karbon, ug peat. Ang produkto nga moresulta gikan sa dugang nga pagtunaw sa alkitran mao ang bulitik nga medyo gahi. Ang alkitran ug bulitik diyutay rag bitumen.
Ang petrolyo, o aseite, kon matunaw magbilin ug yamokmok nga halos pulos bitumen. Ang bitumen nga gikan sa petrolyo gitawag usab ug aspalto. Apan, diha sa daghang dapit ang “aspalto” nagtumong sa bitumen nga gisagolan ug materyales sama sa balas o graba, nga kasagarang gamiton sa pag-aspalto sa mga karsada. Ang “aspalto” nga gihisgotan niining artikuloha mao ang wala pa maproseso o naproseso na nga produkto nga gikan sa Pitch Lake.