Footnote

c Pananglitan: (1) Sa ika-16 nga siglo, ang batok-trinitaryan nga mga kalihokan kusganon sa Uropa. Pananglitan, si Ferenc Dávid (1510-79), usa ka Hungariano, nahibalo ug nagtudlo nga ang doktrina sa Trinidad dili Kasulatanhon. Tungod sa iyang mga pagtuo, siya namatay sa bilanggoan. (2) Ang Minor Reformed Church, nga milambo sa Polandia sulod sa mga usa ka gatos ka tuig sa ika-16 ug ika-17ng siglo, nagsalikway usab sa Trinidad, ug ang mga sumusunod sa maong simbahan nag-apod-apod ug literatura sa tibuok Uropa, hangtod ang mga Heswita nagmalamposon sa pagpadisteyero kanila gikan sa Polandia. (3) Si Sir Isaac Newton (1642-1727), sa Inglaterra, nagsalikway sa doktrina sa Trinidad ug detalyadong misulat sa makasaysayanhon ug Kasulatanhong mga rason sa pagsalikway niana, apan wala niya kini mapatik sa iyang mga adlaw, tataw tungod sa kahadlok sa sangpotanan. (4) Taliwala sa uban sa Amerika, si Henry Grew nagyagyag sa Trinidad nga dili-kasulatanhon. Niadtong 1824 iyang gihisgotag maayo kining butanga diha sa An Examination of the Divine Testimony Concerning the Character of the Son of God.