Footnote

g Sa mas detalyadong paghisgot labot sa ulohan, niadtong 1955, ang pulyetong What Do the Scriptures Say About “Survival After Death”? nagpunting nga ang rekord sa Bibliya nagpakita nga si Satanas sa aktuwal nagdasig kang Eva sa pagtuo nga siya dili mamatay diha sa unod ingong sangpotanan sa dili pagtagad sa gibaod sa Diyos nga dili magkaon sa bunga gikan sa “kahoy sa kahibalo sa maayo ug daotan.” (Gen. 2:​16, 17; 3:4) Sa lakaw sa panahon, kana dayag nga napamatud-ang bakak, apan may dugang pang mga kaugmaran nga nakagamot diha sa unang bakak. Ang mga tawo misagop sa panghunahuna nga ang dili makita nga bahin sa tawo nagpadayon sa pagkinabuhi. Human sa Lunop sa adlaw ni Noe, kini napalig-on sa demonyohanon espiritistikong mga batasan nga naggikan sa Babilonya.​—Isa. 47:​1, 12; Deut. 18:​10, 11.