Footnote

f Sa pagpalapad pa sa mga kaamgiran, gikaingon nga ang paglaglag sa Jerusalem niadtong 70 K.P. (37 ka tuig human nga gihimaya ingong hari si Jesus sa iyang mga tinun-an sa iyang pagsulod sa Jerusalem nga sakay ug asno) mahimong magpunting sa 1915 (37 ka tuig liwas sa 1878) alang sa pagtapos sa maalsahong kaguliyang nga ilang gituohang itugot sa Diyos ingong paagi sa pagtapos sa nagalungtad nga mga institusyon sa kalibotan. Kining petsaha migula diha sa sunod nga mga imprinta sa Studies in the Scriptures. (Tan-awa ang Tomo II, mga panid 99-101, 171, 221, 232, 246-7; itandi ang sunod nga imprinta sa tuig 1914 uban sa sayosayong mga imprinta, sama sa 1902 nga imprinta sa Millennial Dawn.) Alang kanila kini daw maayong pagkahaom sa napatik na labot sa tuig 1914 ingong magtimaan sa kataposan sa mga Panahon sa mga Hentil.