Footnote

e Nga kining mga lalakiha maoy dili-makataronganong gibilanggo, ug dili mga sad-an, gipasundayag sa kamatuoran nga si J. F. Rutherford nagpabiling membro sa bar sa Korte Suprema sa Tinipong Bansa sukad sa iyang pagkamembro niadtong Mayo 1909 hangtod sa iyang kamatayon niadtong 1942. Sa 14 ka kaso nga giapelar sa Korte Suprema sukad sa 1939 hangtod sa 1942, si J. F. Rutherford maoy usa sa mga abogado. Sa mga kaso nga nailhang Schneider v. Estado sa New Jersey (niadtong 1939) ug Minersville School District v. Gobitis (niadtong 1940), siya sa personal nagpresentar sa binaba nga pangatarongan sa atubangan sa Korte Suprema. Usab, sa panahon sa Gubat sa Kalibotan II, si A. H. Macmillan, usa sa mga lalaki nga sa sayop gibilanggo niadtong 1918-19, gidawat sa direktor sa pederal nga Buro sa Bilanggoan ingong regular nga bisita sa pederal nga mga bilanggoan sa Tinipong Bansa aron mag-atiman sa espirituwal nga intereses sa batan-ong mga lalaki nga nabilanggo tungod sa pagbarog sa Kristohanong neyutralidad.