Footnote

e Si Xerxes I nailhan nga sipokog ulo ug bangis. Ang Gregong historyano nga si Herodotus nagrekord sa pipila ka pakiggubat ni Xerxes batok sa Gresya. Ang hari nagsugo nga sumpay-sumpayon ang mga barko aron magsilbing tulay latas sa dagat sa Hellespont. Sa dihang ang mga barko naguba tungod sa bagyo, gipaputlag ulo ni Xerxes ang mga inhenyero ug gimandoan pa gani ang iyang mga tawo nga “silotan” ang Hellespont pinaagi sa pagbunal sa tubig samtang gibasag kusog ang panginsulto. Niana gihapong hitaboa, sa dihang mihangyo ang usa ka datong tawo nga dili una paapilon ang iyang anak sa gubat, gimando sa hari nga pikason ang lawas sa anak ug ipakita sa publiko ingong pasidaan.